2017 оны 09 дүгээр сарын 6-7-ны өдрүүдэд Монгол Улсын Гаалийн ерөнхий газар, БНХАУ-ын Гаалийн ерөнхий газрын хилийн хамтарсан хяналт шалгалтын ажлын хэсгийн 8 хуралдаанаар хөрш зэргэлдээ хилийн боомтуудад хамтарсан манифестийг хэрэгжүүлэх хамтарсан шийдвэрт хүрсэн. Энэ ажлын хүрээнд Монгол Улсын Дорнод аймаг дахь гаалийн газар болон БНХАУ-ын Манжуурын гаалийн байгууллагын хооронд 2018 оны 02 дугаар сараас хамтарсан манифестийг хэрэгжүүлэн ажиллаж байна. Энэхүү ажлын хүрээнд Дорнод аймаг дахь гаалийн газар болон Хайлаарын гаалийн газрууд хамтарсан манифестийн уулзалтыг 2018 оны 06 дугаар сарын 28-29 өдрүүдэд Чойбалсан хотод хийлээ.